काठमाडौं–अभिनेता सौगात मल्ल र सृष्टि श्रेष्ठको अभिनय रहेको फिल्म ‘माइकल अधिकारी’को फस्टलुक सार्वजनिक भएको छ । फिल्मको सार्वजनिक दुई फस्टलुकमध्ये एकमा सौगातले बोकेको खर्पनमा एकातिर सृष्टि र बच्चा देखिएका छन् भने अर्कोतर्फ पैसाको थुप्रो देखाइएको छ । यस्तै अर्को पेष्टरमा सौगात र सृष्टि पैसाको बिछ्याउनामा प्रेमिल भावमा देखिन्छन् । फिल्मको पोस्टरसँगै प्रदर्शन मिति भाद्र ३ गतेलाई फाइनल गरिएको छ । गोपीकृष्ण मुभिजको ब्यानरमा निरक पौडेलले निर्माण गरेको फिल्म रन्जित रौनियारले निर्देशन गरेका हुन् । फिल्ममा आत्मियता, भावनात्मक सम्बन्धसँगैं हास्यरस मिसिएको निर्माण टिमले जनाएको छ । उद्धव पौडेलको प्रस्तुतीमा निर्माण भएको फिल्ममा सौगात र सृष्टिका अलवा अशान्त शर्मा, ऐनी कुँवर, हेमन्त बुढाथोकी, विद्या कार्की, सुजना ढकाल, दिलिप बोहरा लगायतका कलाकारको अभिनय हेर्न सकिन्छ । अभिनेता मल्ललाई अन्य फिल्मभन्दा माइकल अधिकारीमा फरक देख्न मिल्ने निर्माण टिमले उल्लेख गरेको छ । फिल्मको सम्पुर्ण छायांकन इलाम र झापामा गरिएको छ ।