कृष्ण केसीको ‘आशा र विश्वव्यापी मानवतावादको यात्रा’ मा विकासका विभिन्न आयामको बारेमा चर्चा
काठमाडौँ– क्यानडा निवासी लेखक कृष्ण केसीद्धारा लिखित पुस्तक ‘आशा र विश्वव्यापी मानवतावादको यात्राः विश्वव्यापी साक्षरता र शिक्षाको लागि मार्गहरू र निर्माण आधारहरू सिर्जना गर्दै’ ले मुख्यतया विकासको सन्दर्भमा र विकास र मानवीय गतिविधिहरू कसरी सञ्चालन गरिन्छ भनेर सिक्ने जो कोहीको लागि उपयोगी पुस्तक हो ।
त्यस्तै, पुस्तकले नागरिक समाज र संयुक्त राष्ट्र संघमा जागिर खोजिरहेका व्यक्तिहरूलाई मद्दत गर्नेछ।
पुस्तकको बारेमा लेखक केसी भन्छन्, ‘संयुक्त राष्ट्र लगायतका विभिन्न अन्तराष्ट्रिय विकास साझेदार संस्थाहरूमा अवसर पाएकोमा म अत्यन्तै सन्तुष्ट छु। यदि मैले यी चीजहरू गर्न सक्छु भने, तपाईं पनि पक्का गर्न सक्नुहुन्छ। तपाईंको क्षेत्र फरक हुन सक्छ।
तपाईंको रुचि फरक हुन सक्छ। तर तपाईं आफ्नो लुकेको प्रतिभा र क्षमता हासिल गर्न सक्नुहुन्छ।’ पुस्तकको मार्फत यो कुरा तपाईहरुलाई बुझाउने प्रयास गरेको छु ।
त्यस्तै, उनी भन्छन्, ‘आफैमा विश्वास गर्नुहोस्, कडा परिश्रम गर्नुहोस्, धैर्य राख्नुहोस्, र कहिल्यै हार नमान्नुहोस्। मानिसहरूलाई सम्मान गर्नुहोस् र हरेक कामको सम्मान गर्नुहोस्, र तपाईंले आफ्नो हृदयमा राख्नुभएको कुनै पनि कुरा हासिल गर्न सक्नुहुन्छ, लक्ष्य प्राप्त नभएसम्म नरोक्नुहोस् ।’ यो कुरा मैले पुस्तक मार्फत तपाईलाई मेरो अनुभव साटेको छु, उनले भने ।
प
टम लेन्ट भन्छन्, ‘कृष्ण केसीको यो पुस्तक युवाहरूलाई प्रेरित गर्न लेखिएको हो । तर उनले जे गरेका छन्, त्यही बाट हामी प्रेरित हुन सक्छौँ । उहाँले जीवनमा जे जे गर्नुभयो, त्यहीबाट नै हामी प्रेरणा लिन सक्छौँ, उहाँको जीवन अध्ययन गरेर हाम्रो भविष्य कसरी निर्माण गर्ने भनेर परिकल्पना गर्न सक्छौँ ।’
लेखक केसी एक राम्रो लेखक हुनुको साथै शैक्षिक परिवर्तनका अभियन्ता हुन्। उनले चार दशक भन्दा बढी संयुक्त राष्ट्रसंघ लगायत विभिन्न अन्तर्राष्ट्रिय गैरसरकारी संस्थाहरू र धेरै देशहरूमा काम गरेको अनुभव छ । । कृष्णको उत्कृष्ट प्रदर्शन र नवीन र रचनात्मक कार्यकुशलताको लागि दुई स्वर्ण पदक प्राप्त गरेका छन् । त्यस्तै, विभिन्न समुदायहरूमा सहयोग गरेको र धेरै देशहरूमा विभिन्न समुदायहरूमा जोखिम मोलेर शान्ति र द्वन्द्वको समयमा शैक्षिक प्रणालीको जग प्रदान गरेकोमा धेरै पुरस्कारहरू प्राप्त गरिसकेका छन्।
उनको आफ्नो जीवनको चार दशक नेपाल लगायत दक्षिण, दक्षिण पूर्व, र मध्य पूर्वका एशियाली देशहरु, प्यासिफिक क्षेत्रका देशहरु, यूरोप, अफ्रिका र उत्तर अेमेरिकी देशहरूमा साक्षरता तथा शिक्षा सबन्धि विशेष योगदान रहेको छ ।
उनको यो पुस्तकले विश्वव्यापी मानव अधिकार, बाल अधिकार, महिला अधिकार, शिक्षाको आधारभूत अधिकार, र सामुदायिक विकासमा उनको योगदानलाई नजिकबाट नियाल्न सकिन्छ ।
अग्रेजी भाषामा लेखिएको यो पुस्तक अमेजनमा उपलब्ध छ । त्यस्तै, लेखकको बारेमा बुझ्न र पुस्तक किन्न यहाँ क्लिक गर्नुहोला।
प्रकाशित मिति: शुक्रबार, मंसिर ९, २०७९ ०५:३४
प्रतिक्रिया दिनुहोस्
