काठमाडौं–अभिनेता अनुपविक्रम शाहीको सञ्चालन र सौगातमान सिंह बस्नेतको निर्देशन रहने एडभेन्चर रियालटी शोको नाम ‘म्याडभेन्चर’ राखिएको छ । निर्देशक बस्नेतले शोको नाम ‘म्याडभेन्चर’ जुरेको जानकारी दिए ।
यात्रा र एडभेन्चरमा म्याडनेस थपेर रोचक र रोमान्चक यात्रा गराउने शोमा अभिनेता शाहीले ५ एपिसोडमा फरक–फरक स्थानको परिचय दिनेछन् ।
शोको गीत र संगीतको जिम्मेवारी ‘स्याडोज’ का सदस्य स्वप्निल शर्मा र ‘फज फ्याक्ट्री’का रोहित शाक्यले लिएका छन् ।
निर्देशक बस्नेतले यात्रा, संगीत र एडभेन्चरले भरिपुर्ण यस शोको अझै तयारी भइरहेको र रोचक बनाउन कुनै कसुर बाँकी नराखिने बताए ।
शोको निर्माण पर्यटन क्षेत्रमा लामो समयदेखि सक्रिय ट्रेकिङ्ग टिम, प्रोडक्सन, ग्राफिक्स तथा एडभर्टाईजिङमा सक्रिय ब्राण्डलेन्सर र स्टुडियो कृयोले गर्दैछन् ।
अंग्रेजी र नेपाली भाषामा निर्माण हुने शोको पहिलो चरणमा ५ भाग निर्माण हुनेछ । यी भागमा ‘आइल्यान्ड पिक’, ‘हुम्ला’, ‘मनाङ एण्ड मुस्ताङ (बाइक राइड)’, ‘रोयल ट्रिप वीथ माउन्टेन फ्लाइट’, ‘दुर्गम क्षेत्रको लोकेसन प्रमोट’का विषय समेटिनेछ । ‘हाम्रो योजना शोमा थुप्रै पिकहरु चढ्ने र अन्तिम भागमा सगरमाथासम्मको आरोहण गराउने रहेको छ’ निर्देशक सौगातले भने ।
प्रकाशित मिति: बिहीबार, मंसिर ८, २०७९ २०:४१
प्रतिक्रिया दिनुहोस्
