चितवन - चितवनको माडी नगरपालिकामा खुर्पाले हानेर छोराले आमाको हत्या गरेका छन् । आज (सोमबार) दिउँसो सवा तीन बजे माडी नगरपालिका-६ स्याउलिवासका अर्जुन तामाङले ५५ वर्षकी आमा देवी तामाङको हत्या गरेका हुन् ।
जिल्ला प्रहरी कार्यालय चितवनका अनुसार, घरदेखि सय मिटरको दूरीमा पर्ने आफ्नै मकैबारीमा ३७ वर्षका तामाङले पछाडिबाट खुर्पा प्रयोग गरी हत्या गरेका थिए ।
माडीको बसन्तपुर बजारबाट ८ किलोमिटरमा पूर्व दक्षिणमा घट्ना भएको हो । त्यहाँ अहिले इलाका प्रहरी कार्यालय माडीले तामाङलाई नियन्त्रणमा लिई अनुसन्धान गरिरहेको जिल्ला प्रहरी कार्यालय चितवनका सूचना अधिकारी तथा प्रहरी नायव उपरिक्षक नरहरी अधिकारीले जानकारी दिए । शव तथा घटनास्थलको थप अनुसन्धान भइरहेको छ ।
प्रकाशित मिति: शुक्रबार, मंसिर ९, २०७९ ०२:४७
प्रतिक्रिया दिनुहोस्
