काठमाडौँ– राजधानीको कोटेश्वरमा साँझ ट्रक र माइक्रोबस एकापसमा ठोक्किदा एक जनाको मृत्यु भएको छ ।
प्रहरीका अनुसार प्रदेश २–००६ख ०२९५ नम्बरको ट्रक र बा२ख १२३१ नम्बरको माइक्रो आपसमा ठोक्किएर दुर्घटना भएको हो । ठोक्किएपछि भक्तपुर–रत्नपार्क रुटमा गुड्ने माइक्रोबस क्षतिग्रस्त बनेको छ ।
दुर्घटनामा मृत्यु हुनेमा स्याङ्जाको थेलचोङ घर भएका ५२ वर्षीय देवकुमार सेन रहेको प्रहरीले जनाएको छ ।
उनको उपचारको क्रममा बीएण्डबी अस्पतालमा मुत्यु भएको हो । दुर्घटनापछि माइक्रो चालक फरार रहेका छन् भने सहचालक २३ वर्षीय विमल कुमार सुनारको उपचार भइरहेको छ।
प्रकाशित मिति: शुक्रबार, मंसिर ९, २०७९ ०३:०९
प्रतिक्रिया दिनुहोस्
