चितवन - चितवनमा निगुरो टिप्न गएकी एक महिलाको मंगलबार खोलाले बगाएर मृत्यु भएको छ । रत्ननगर नगरपालिका-१४ माधवपुर घर भई हाल खैरहनी नगरपालिका-१ साहीचोक बस्ने ३४ वर्षीया कल्पना श्रेष्ठ रिजालको खोला बगाएर मृत्यु भएको हो ।
जिल्ला प्रहरी कार्यलयका अनुसार खैरहनी-६ तुलसीपुरस्थित लदरी खोलामा निगुरो टिप्न जाने क्रममा उनी खोलाको डिलबाट चिपिएर लडेकी थिइन् । घटनास्थलबाट १० मिटर तल उनको शव फेला परेको प्रहरीले जनाएको छ ।
प्रकाशित मिति: शुक्रबार, मंसिर ९, २०७९ ०३:२४
प्रतिक्रिया दिनुहोस्
