काठमाडौं- स्पेनिस टेनिस स्टार राफायल नाडालले विम्बल्डन टेनिसमा विजयी सुरुवात गरेका छन्।
मंगलबार राति सेन्टर कोर्टमा सम्पन्न खेलमा अर्जेन्टिनाका फ्रान्सिस्को सेरुन्डोलोलाई हराउँदै नाडालले दोस्रो चरणमा स्थान बनाए ।
३५ वर्षीय नाडालले फ्रान्सिस्कोमाथि ६-४,६-३,३-६ र ६-४ को सेटमा जित निकाले । विश्व वरीयताको दोस्रो स्थानमा रहेका नाडालको यो ३०६औं ग्रान्डस्लाम जित हो ।
कीर्तिमानी २२ औं पटकको ग्रान्डस्लाम विजेता नाडालले दोस्रो चरणमा लिथुनियाका रिकार्डससँग खेल्नेछन् ।
नाडालले दुई पटक विम्बल्डनको उपाधि जितेका छन्।
महिलातर्फ विश्व नम्बर एक इगा स्वेटेकले पनि दोस्रो चरणमा स्थान बनाएकी छन् ।
इगाले क्रोएसियाकी जना फेटलाई ६-० र ६-३ ले पराजित गरिन् ।
यससँगै पोल्याण्डकी इगाले ३६ औं खेलसम्म आफ्नो अपराजित यात्रालाई कायम राखेकी छिन् ।
प्रकाशित मिति: शुक्रबार, मंसिर ९, २०७९ ००:०२
प्रतिक्रिया दिनुहोस्
