काठमाडौँ– नेपाल राष्ट्र बैंकले बुधबारका लागि विदेशी मुद्राको विनिमय दर तोकेको छ । राष्ट्र बैंकले सार्वजनिक गरेको विनिमय दर अनुसार अमेरिकी डलरको भाउ हालसम्मै उच्च दरमा पुगेको छ । जसका कारण नेपाली मूल्य अहिसम्मकै कमजोर अवस्थामा पुगेको छ ।
राष्ट्र बैंकले तोकेअनुसार अमेरिकी एक डलर खरिद गर्न १२६ रुपैयाँ ३४ पैसा नेपाली रुपैयाँ खर्च गर्नु पर्नेछ जुन हालसम्मकै नेपाली रुपैयाँको कमजोर अवस्था हो । उच्च मागका कारण अमेरिकी डलरको भाउ आकासिन पुगेको हो । झण्डै एक साता केही पैसाले घटेर स्थिर रहेको डलरको मूल्य बुधबार भने पुनः बढेको छ ।
आज अमेरिकी डलर एकको खरिद दर १२५ रुपैयाँ ७४ पैसा तोकिएको छ ।
यस्तै, युरोपियन यूरो एकको खरिद दर १३३ रुपैयाँ ८ पैसा र बिक्री दर १३३ रुपैयाँ ७१ पैसा छ । यूके पाउन्ड स्टलिङ एकको खरिद दर १५४ रुपैयाँ १२ पैसा र बिक्री दर १५४ रुपैयाँ ८५ पैसा छ । स्वीस फ्रेङ्क एकको खरिद दर १३१ रुपैयाँ ६२ पैसा रहेको छ भने बिक्री दर १३२ रुपैयाँ २५ रहेको राष्ट्र बैंकले जनाएको छ ।
अष्ट्रेलियन डलर एकको खरिद दर ८६ रुपैयाँ ३५ पैसा र बिक्री दर ८७ रुपैयाँ ७७ पैसा छ । क्यानेडियन डलर एकको खरिद दर ९७ रुपैयाँ ९४ पैसा रहेको छ भने बिक्री दर ९८ रुपैयाँ ४१ पैसा छ ।
जापानी येन १० को खरिद दर नेपाली ९ रुपैयाँ २४ पैसा र बिक्री दर ९ रुपैयाँ २८ पैसा छ भने चिनियाँ यूआन एकको खरिद दर १८ रुपैयाँ ८० पैसा र बिक्री दर १८ रुपैयाँ ८९ पैसा रहेको राष्ट्र बैंकले जनाएको छ ।
साउदी अरबियन रियाल एकको खरिर दर ३३ रुपैयाँ ५० पैसा र बिक्री दर ३३ रुपैयाँ ६६ पैसा छ भने कतारी रियाल एकको खरिद दर ३४ रुपैयाँ ४० पैसा र बिक्री दर ३४ रुपैयाँ ५७ पैसा रहेको राष्ट्र बैंकले सार्वजनिक गरेको सूचीमा उल्लेख छ ।
मलेसियन रिंगिट एकको खरिद दर २८ रुपैयाँ ६० पैसा छ भने बिक्री दर २८ रुपैयाँ ७३ पैसा रहेको छ भने कोरियन वन १०० को खरिद दर ९ रुपैयाँ ७७ पैसा र बिक्री दर ९ रुपैयाँ ८२ पैसा कायम भएको छ ।
