काठमाडौं– फिल्म ‘प्रसाद’को सिक्वेल ‘प्रसाद २’को घोषणा गरिएको छ । बिहीबार राजधानीमा एक कार्यक्रमबीच फिल्मको घोषणा गरिएको हो ।
सुदर्शन थापाको निर्देशन रहने फिल्ममा विपिन कार्की, नम्रता श्रेष्ठ, अर्पण थापा र राज कटुवालको अभिनय रहनेछ । अभिनेता विपिनले सिक्वेलमा अघिल्लो संस्करणको जस्तो चरित्रलाई परिपक्व बनाउन चुनौती रहेको बताए ।
उनले फिल्मका मुख्य पात्र बाबुराम र नारायणी सहरबाट गाउँ फर्किने र गाउँ फर्केपछि आउने उतारचढावलाई फिल्मले प्रस्तुत गर्ने बताए । फिल्मको सुटिङ पोखराको हेम्जाकोटमा हुनेछ ।
फिल्ममा केशव पाण्डे र सुभाष थापाको लगानी रहनेछ । फिल्मका लेखक सुशील पौडेल हुन् ।
प्रकाशित मिति: बिहीबार, मंसिर ८, २०७९ ०६:२८
प्रतिक्रिया दिनुहोस्
