जनकपुरधाम - जनकपुरबाट लागूऔषधसहित दुई जना पक्राउ परेका छन् । बिहीबार जनकपुरधाम उपमहानगरपालिका-९ स्थित थापा चौकबाट उनीहरूलाई ब्राउन सुगरसहित प्रहरीले पक्राउ गरिएको छ ।
पक्राउ पर्नेमा सप्तरी जिल्लाको खडक नगरपालिका-८ खोजपुर बस्ने २४ वर्षीय रजनीकुमारी चौधरी र सिरहाको मिर्चैया नगरपालिका-२ वस्ने ३० वर्षीय मोहम्मद आरीफ हुसेन रहेको जिल्ला प्रहरी कार्यलय धनुषाका प्रहरी प्रबक्ता प्रदिप बहादुर क्षेत्रीले बताए ।
प्रहरीका अनुसार जनकपुरको थापा चोकबाट वेल्ही जाने भित्री सडकमा उनी हिंडिरहेको अवस्थामा प्रहरीलाई शंका लागेपछि रोकेर सोधपुछ गर्ने क्रममा ब्राउन सुगर (खैरो हिरोईन) जस्तो देखिने पदार्थ १ ग्राम ८२० मिलि ग्राम र चुना जस्तो देखिने पदार्थ १ ग्राम ३७० मिलि ग्राम समेत फेला परेको छ । प्रहरीले उनीहरूलाई नियन्त्रणमा लिई लागूऔषध मुद्दा शीर्षकमा म्यादथप गरी थप अनुसन्धान भइरहेको प्रहरीले जनाएको छ ।
प्रकाशित मिति: शुक्रबार, मंसिर ९, २०७९ ०५:२४
प्रतिक्रिया दिनुहोस्
