काठमाडौँ– राष्ट्रिय लोक तथा दोहोरीगीत प्रतिष्ठानले लोकदोहोरी गीतमा अश्लील शब्दको प्रयोग गरेको भन्दै रोधीघर सञ्चालक र गायक गायिकालाई छलफलका लागि बोलाएको छ ।
प्रतिष्ठानले पत्र काटेरै सबै जनालाई आइतबार संघको कार्यालयमा बोलाएको हो ।
लोकदोहोरी गीतमा अश्लील शब्दको प्रयोग गरिएको भन्दै बेला बेलामा विभिन्न टीकाटिप्पणी र विरोध हुँदै आएको छ ।
लाइभ दोहोरीको नाममा युट्युबमार्फत अग्रणी कलाकारले समेत संस्थाको अनुरोधलाई उल्लंघन गर्दै अश्लीलता फैलाएको प्रतिष्ठानको दाबी छ ।
लोकदोहोरी गीतमा अश्लीलता प्रदर्शन गर्ने कलाकारलाई सचेत तुल्याउनेदेखि कारवाही गर्ने उद्देश्य रहेको प्रतिष्ठानले जनाएको छ । यसअघि पनि संस्थाले पटकपटक त्यसो नगर्न भने पनि उक्त आग्रहलाई कलाकार र रोधीघर सञ्चालकहरूले नटेरेका प्रतिष्ठानको आरोप छ ।
प्रकाशित मिति: बिहीबार, मंसिर ८, २०७९ ०६:०५
प्रतिक्रिया दिनुहोस्
