काठमाडौं–आगामी कार्तिक ४ गतेबाट रिलिज हुने नेपाली फिल्म ‘२ नम्बरी’को विदेश बिक्री शुरु भएको छ । फिल्मका प्रस्तुतकर्ता किरण नेपालीका अनुसार फस्टलुक सार्वजनिक भएसँगै विभिन्न देशमा फिल्म बिक्री भइसकेको छ ।
उनले फिल्म कार्तिक ४ गते नै दक्षिण कोरिया, दुबई, कतार, कुवेत, साउदी अरब, बहराइन, जोर्डन लगायतका देशमा रिलिज हुने बताए । फिल्मलाई निप फिल्मस्का लागि रमेश ढकालले किनेका हुन् ।
अन्य देशमा पनि फिल्मको लागि कुरा भैरहेको किरणले जानकारी दिए । दुई साथीको मित्रताको कथामा बनेको यो फिल्ममा दीपेन्द्र लामाको निर्देशन छ । फिल्ममा दयाहाङ राई, सौगात मल्ल, उपासना सिंह ठकुरी, उगेन छोदेन लगायतका कलाकारको अभिनय छ ।
प्रकाशित मिति: बिहीबार, मंसिर ८, २०७९ २१:०८
प्रतिक्रिया दिनुहोस्
