खोटाङ - खोटाङको दिक्तेल रुपाकोट मझुवागढी नगरपालिका-१२ जालपामा पहिरोका कारण ६ घर परिवार विस्थापित भएका छन् ।
साविकको जालपा-८ सावालुङका जितबहादुर राई, भीमबादुर राई, कणर्बहादुर राई, रामीरा राई र शारदा राईको परिवार विस्थापित भएका हुन् ।
यस्तै, पहिरोका कारण साविकको जालपा-३ का धनकुमार विश्वकर्माको परिवार पनि विस्थापित भएको वडाध्यक्ष दानबहादुर राईले बताए ।
धुँजा फाटेर पहिरो जान थालेपछि विस्थापितलाई हुर्लुङ-जालपा-फेदी सडक छेउमा खेतमा प्लास्टिक टाँगेर अस्थायी बसोबासको व्यवस्था मिलाइएको छ । वडा कार्यालय र टोल विकास संस्था सावालुङको पहलमा विस्थापितलाई अस्थायी बसोबासको व्यवस्था मिलाइएको उपमेयर बिसान राईले बताए ।
प्रकाशित मिति: शुक्रबार, मंसिर ९, २०७९ ०६:२७
प्रतिक्रिया दिनुहोस्
