मुम्बई– बलिउड अभिनेता सुशान्त सिंह राजपुतको निधनपछि लागुऔषध मालमामा पक्राउ परेका अभिनेताका ‘रुममेट’ सिद्धार्थ पठानलाई अदालतले ४०३ दिन पछि जमानत दिएको छ । न्यायाधिश भारती डांगरेले ५० हजार रुपैंयाँको धरौटीमा उनलाई जमानत दिन आदेश दिएकी हुन् ।
सुशान्तको निधनपछि चर्चामा आएको लागुऔषध मामलामा नारकोटिक्स कन्ट्रोल ब्यूरो(एनसीबी)ले गत वर्षको २८ मार्चमा सिद्धार्थलाई पक्राउ गरेको थियो ।
यसअघि सिद्धार्थले तीनपटक जमानतका लागि गरेको अपिल खारेज भएपछि उनले उच्च अदालतको ढोका ढकढक्याएका थिए । उनको निवेदन अधिवक्ता अद्वैत ताम्हकरले दर्ता गराएका थिए । निवेदनमा पिठानीको तर्फबाट उनीसमक्ष कुनै प्रमाण नभेटिएको दाबी गरिएको थियो । तर एनसीबीले उनको ल्यापटप र फोनको भिडियोमा यो सम्बन्धी प्रमाण रहेको दाबी गरेको थियो ।
–अमरउजाला
प्रकाशित मिति: बिहीबार, मंसिर ८, २०७९ ०५:२६
प्रतिक्रिया दिनुहोस्
