मुम्बई– बंगला फिल्म उद्योगका लोकप्रिय निर्देशक तरुण मजुमदारको निधन भएको छ । उनको कोलकातामा ९२ वर्षको उमेरमा निधन भएको हो ।
ब्रिटिस भारतको समयकालमा जन्मिएका तरुणले राम्रो निर्देशकका रुपमा बलिउड चिनिन्थे । उनले आफ्नो निर्देशन करियरमा कैयौं राम्रा फिल्म निर्देशन गरे । जसमा केही सुपरहिट साबित भएका थिए ।
उनले सन् १९६७ मा रिलिज फिल्म ‘बालिका वधू’बाट सर्वाधिक लोकप्रियता पाए । यो फिल्मबाहेक सन् १९७१ को ‘कुहेली’, सन् १९७३ को ‘श्रीमन पृथ्वीराज’ जस्ता फिल्म पनि उनकै नाममा थियो ।
तरुण लामो समयदेखि अस्वस्थ थिए । उनी कोलकाताको सेठ सुखल करनानी मेमोरियल अस्पतालमा भर्ना भएका थिए । दुईदिन यता स्वास्थ्यमा समस्या आएपछि उनलाई आइसियूमा भर्ना गरिएको थियो ।
–एबीपी न्यूज
प्रकाशित मिति: बिहीबार, मंसिर ८, २०७९ ०५:२६
प्रतिक्रिया दिनुहोस्
