काठमाडौं–प्रेमकथामा आधारित फिल्म ‘मिलन’ आगामी कात्तिकको पहिलो साता रिलिज हुने भएको छ । फिल्मको यतिबेला धमाधम पोस्ट प्रोडक्सनको काम भइरहेको छ । फिल्मको छायांकन ६ महिना अघि सकिएको हो । फिल्ममा कुशल शाह ठकुरी, सलोन बस्नेत, शिल्पा थापा, शिशिर वाङ्देल, विशाल पहाडी, जानुका पौडेल (प्याकुली) लगायतका कलाकारको मुख्य भूमिका रहेको छ । फिल्मका निर्देशक टेक पौरखी राईले फिल्ममा दर्शकले कुशल, सलोन र शिल्पाको त्रिकोणात्मक प्रेम हेर्न पाउने बताए । उनले यसअघि ‘मट्टीमाला’ र ‘माया पिरिम’ निर्देशन गरिसकेका छन् । फिल्ममार्फत कुशल शाह ठकुरी र शिल्पा थापाले डेब्यू गरुेका हुन् । फिल्ममा कविराज गहतराजको कोरियोग्राफी, प्रताप दास, कौसल खड्का, कृष्ण केसी, प्रविशा अधिकारी, अस्मिता अधिकारी र बबिना किँरातीको स्वर, राहुल राईको छायांकन, तारा थापा ‘किम्भे’को सम्पादन छ । फिल्म काठमाडौं र कालिञ्चोकमा छायांकन गरिएको हो ।