काठमाडौँ - काठमाडौँको बालाजुमा मोटरसाइकल दुर्घटना हुँदा एक जनाको ज्यान गएको छ । काठमाडौं महानगरपालिका - १६ बालाजु पुल वारी सडकमा बागमती प्रदेश ०२-०२३ प ३७७५ नम्बरको मोटरसाइकल अनियन्त्रित भएर खोला छेउको रेलिङमा ठोक्किँदा दुर्घटना भएको हो ।
दुर्घटनामा परेर २२ वर्षीय सविन परियारको मृत्यु भएको बताइएको छ भने उक्त मोटरसाइकलमा सवार एक जनाको पिपुल्स अस्पताल नयाँ बजारमा उपचार भइरहेको छ । घटनाबारे प्रहरीले आवश्यक अनुसन्धान गरिरहेको बताइएको छ ।
प्रकाशित मिति: शुक्रबार, मंसिर ९, २०७९ ०७:०९
प्रतिक्रिया दिनुहोस्
