भक्तपुर - भक्तपुरको मध्यपुर थिमी नगरपालिका-३ गठ्ठाघरस्थित ट्राफिक कार्यालय अगाडि बसले स्कुटरलाई ठक्कर दिँदा एक युवतीको ज्यान गएको छ ।
दुर्घटनामा स्कुटरमा सवार रामेछापको दोरम्बा गाउँपालिका-५ घर भइ हाल जडिबुटीस्थित बर्गर हाउसमा काम गर्ने बस्ने वर्ष २४ की रेजिना तामाङको मृत्यु भएको हो ।
भक्तपुरबाट काठमाडौंतर्फ जाँदै गरेको बा ४ ख २२१२ नं. को बस र सोही दिशातर्फ जाँदै गरेको बा ७८ प १०८३ नं को स्कुटर आपसमा ठक्कर खाइ दुर्घटना भएको प्रहरीले जनाएको छ । स्कुटर चालक वर्ष १८ को सिद्धार्थ मगरको भक्तपुर इन्टरनेशनल अस्पताल कौशलटारमा उपचार भइरहेको छ ।
प्रहरीले दुवै सवारी साधन र बस चालक काभ्रेपलान्चोक जिल्ला तिमाल गाउँपालिका-५ नारायणस्थान बस्ने वर्ष ५० को पोते तामाङलाई नियन्त्रणमा लिइ थप अनुसन्धान गरिरहेको छ ।
प्रकाशित मिति: शुक्रबार, मंसिर ९, २०७९ ०७:१०
प्रतिक्रिया दिनुहोस्
