मुम्बई— रियालिटी शो ‘बिग बोस’को हालसम्म जति सिजन आयोजना भएको छ, त्यसको विजेताले आफ्नो भाग्य चम्काइरहेका छन् । यो शोको विजेताले आर्थिक रुपमा मात्र होइन प्रोजेक्टका रुपमा पनि ठूला सफलता पाइसकेका छन् । तर हालैमात्र एक तस्वीर सामाजिक सञ्जालमा एउटा यस्तो तस्वीर भाइरल भइरहेको छ, जुन तस्वीरले बिग बोसको विजेताको वर्तमान अवस्थालाई देखाएको छ । हाल सामाजिक सञ्जालमा बिग बोस ओटीटीका विजेता दिव्या अग्रवालको एक तस्वीर भाइरल भइरहेको छ । जुन तस्वीर हेर्दा जोकोहीले दिव्यालाई चिन्न सक्दैनन् । दिव्याको यो अवस्था कसरी भयो भन्ने आम चासो छ । तर, यो तस्वीरको वास्तविकता अर्कै छ । यो तस्वीर एक वेब सिरिजका लागि दिव्याले निभाएको चरित्रको हो । एस्थेटिक मेकअपले दिव्याको लुक्स नचिन्ने बनाइएको थियो । अल्ट बालाजीको वेब सिरिज ‘कार्टेल’मा दिव्यालाई अलग—अलग चरित्रमा देखाइएको थियो । सिरिजमा दिव्याले एक सिरियल किलरको चरित्र निभाएकी थिइन् । सिरिजमा उनले कसैको हत्या गर्नुथियो भने उनी नयाँ रुप धारण गर्थिन् । भाइरल भएको तस्वीरमा दिव्यालाई एक अस्पतालको सफाई कर्मचारीको भूमिकामा देखाइएको छ । तस्वीरमा दिव्याको ठूला—ठूदा दाँत देखाइएको छ । —एबीपी लाइभ