मुम्बई– भगवान वाल्मिकीमाथि विवादित टिप्पणी गरेको मामलामा पहरीले पञ्जाबी अभिनेता राणा जंगबहादुरलाई पक्राउ गरेको छ । जालन्धर प्रहरीले ६५ वर्षे अभिनेतालाई पक्राउ गरेको हो ।
उनीमाथि एक टेलिभिजन च्यालनमा भगवान वाल्मिकीको विषयमा गलत शब्द प्रयोग गरेर एक समूहको धार्मिक भावनामा आहत पुर्याएकाे आरोप छ । उनले अदालतसमक्ष दिएको अग्रिम जमानत निवेदनलाई अदालतले खारेज गरिदिएको छ ।
जालन्धर र होशियारपुरमा वाल्मिकी भाइचाराको लगातार विरोधपछि प्रहरीले राणाविरुद्ध नयाँ बारादरी थानामा मुद्धा दर्ता गराएको थियो । यो मामलामा केही दिन अघि वाल्मिकी समुदायका प्रतिनिधिहरुले अकाली दलका नेता चन्दन ग्रेवालको नेतृत्वमा प्रहरी अधिकृत गुरशरण सिंह सन्धुसँग भेटेर राणालाई पक्राउ गर्नुपर्ने माग राखेका थिए ।
वाल्मिकी संगठनले अभिनेतालाई जुलाईँ १०सम्म पक्राउ नगरे जुलाई ११ बाट जालन्धर बन्द गर्ने चेतावनी दिएका थिए । संगठनका प्रतिनिधिहरुले विभिन्न स्थानमा राणाको पुत्ला पनि जलाएका थिए ।
अभिनेताले माफी मागे पनि वाल्मिकी संगठनले उनलाई पक्राउ गर्नुपर्ने माग राखिरहेको थियो ।
–अमरउजाला
प्रकाशित मिति: बिहीबार, मंसिर ८, २०७९ ०४:५६
प्रतिक्रिया दिनुहोस्
