काठमाडौँ– प्रहरी प्रधान कार्यालयले आम निर्वाचन दुई चरणमा गर्नुपर्ने प्रस्ताव गरेको छ । तर, बुधवार निर्वाचन आयोगले आगामी मंसिर २ गते आम निर्वाचन गर्न सरकारलाई सुझाव दिएको छ । आयोगका पदाधिकारीले प्रधानमन्त्री शेरबहादुर देउवा, गृहमन्त्री बालकृष्ण खाण, सञ्चार तथा सूचना प्रविधि मन्त्री ज्ञानेन्द्रबहादुर कार्की र कानुन न्याय तथा संसदीय मामिलामन्त्री गोविन्द बन्दीलाई भेटेर प्रतिनिधिसभा र प्रदेशसभा निर्वाचनको प्रस्ताव गरेका हुन् । यद्यपी, प्रहरी प्रधान कार्यालयले केही दिनअघि केन्द्रीय सुरक्षा समितिमा सो प्रस्ताव गरेको नेपाल प्रहरीले जनाएको छ । आयोगले निर्वाचनको मिति ताेक्नु अघि नै प्रहरी प्रधान कार्यालयले सुरक्षाका कारण दुई चरणमा निर्वाचनको मिति घोषणा गर्न गृहमन्त्री नेतृत्वको केन्द्रीय सुरक्षा समितिलाई सुझाव दिएको थियो । सुरक्षा चुस्त राख्नका लागि दुई चरणमा निर्वाचन गर्नुपर्ने प्रहरी प्रधान कार्यालयको प्रस्ताव गरेकाे छ ।