काठमाडौं– सात वर्षपछि फिल्म निर्देशनमा कमव्याक भएका सफल निर्देशक ज्ञानेन्द्र देउजा निर्देशित फिल्म ‘झिंगेदाउ’को पहिलो गीत ‘आगो बिना बिँडी जल्दैन’ सार्वजनिक भएको छ । गीतमा मुक्त उदासको शब्द, अर्जुन पोखरेलको संगीत र शान्तिश्री परियार तथा प्रविन बेडवालको स्वर छ । रामजी लामिछानेको कोरियोग्राफी रहेको गीतको भिडियोमा केकी अधिकारी, मुकुन भुषाल, आँचल शर्मा र कुशल विष्ट फिचर्ड छन् । हिँउवाला गौतम, संगम भण्डारी, विजय देउजा, आर्यन खड्का, अभयराज बराल लगायतका कलाकारहरुको पनि अभिनय रहेको फिल्म कपनगडी सिनेमा र फिल्म क्रियु नेपालको ब्यानरमा बनेको हो । भिमनिधि तिवारीद्वारा लिखित ‘झिँगेदाउ’कथामा आधारित भएर बनेको फिल्ममा प्रदीप भारद्वाजको पटकथा तथा संवाद, बिष्णु घिमिरेको छायांकन, मित्र डि गुरुङको सम्पादन रहेको छ । सुलभ प्रतिक देउजा र समीक्षा देउजा निर्माता रहेको फिल्मको सह–निर्मातामा सुशिल दाहाल र ईश्वर घिमिरे छन् । आगामी भदौ १७ गतेबाट प्रदर्शनमा आउने फिल्ममा केकी र आँचलले जेठानी(देवरानीको भूमिकामा अभिनय गरेका छन् । https://www.youtube.com/watch?v=mPcJ7KcbMZE