काठमाडौँ - सत्तारुढ नेकपा माओवादी केन्द्रको केन्द्रीय कमिटी बैठक आज (बिहीबार) बस्ने भएको छ । मंगलबारदेखि स्थगित हुँदै आएको बैठक आज ११ बजे बस्ने अध्यक्ष पुष्पकमल दाहाल ‘प्रचण्ड’ को सचिवालयले जानकारी दिएको छ । पदाधिकारी चयनमा नेताहरु व्यस्त हुनुपर्ने भएपछि मंगलबार डाकिएको बैठक बुधबारलाई सारिएको थियो । बुधबार पनि नेतृत्व टिम संसद बैठकमा सहभागी हुनुपर्ने भएकाले बैठक बिहीबारको लागि सारिएको रमेश मल्लले जानकारी दिए । बैठक नेपाल प्रज्ञा प्रतिस्ठानमा बस्ने जनाइएको छ । यसअघि पदाधिकारी चयनका लागि सहमति जुटाउन खुमलटारमा भएको पूर्व स्थायी समितिका सदस्यहरुको वैठकले पदाधिकारी चयनको जिम्मा अध्यक्ष प्रचण्डलाई दिएको थियो । आजको वैठकमा अध्यक्ष प्रचण्डले पदाधिकारी प्रस्ताव गर्लान् कि नगर्लान् चासोका साथ हेरिएको छ ।