काठमाडौं– दीपेन्द्र के खनाल निर्देशित फिल्म ‘के घर के डेरा’ले बुधवार राजधानीमा आकस्मिक पत्रकार सम्मेलन रिलिज मिति घोषणा गरेको छ । गत साता छायांकन सकिएको फिल्म आगामी कात्तिक ६ मा रिलिज हुनेछ ।
निर्मात्री शर्मिला पाण्डेसँग मिलेर निर्देशक खनालले निर्माण गरेको फिल्म ‘परस्त्री’लाई पछाडि सार्दै ‘के घर के डेरा’लाई तिहारमा प्रदर्शन गर्न लागिएको हो। यसअघि ‘परस्त्री’ कात्तिक ६ मा रिलिज हुने भनिए पनि अब यो फिल्म फागुन १९ मा प्रदर्शन हुनेछ । शर्मिलाले जेठो छोरा दीपेन्द्रको फिल्मका लागि ‘परस्त्री’को रिलिज डेट सारेको जानकारी दिइन् ।
‘मैले घोषणाकै समयमा ‘परस्त्री’को रिलिज डेट घोषणा गरेको थिएँ । तर, नेपाली र हिन्दी भाषामा निर्माण भइरहेकाले निर्धारित मितिमा प्रदर्शन गर्न नसकिने भएपछि जेठो छोरा दीपेन्द्र के खनालको फिल्मका लागि प्रदर्शन मिति छाडेको हुँ ।’ उनले भनिन् । ‘परस्त्री’मा शर्मिलाका छोरा सुरज पाण्डेको निर्देशन छ ।
‘के घर के डेरा’मा वर्षा राउत, सुरक्षा पन्त, रविन्द्र झा, लक्ष्मी गिरी, आशान्त शर्मा, प्रभाकर न्यौपानेलगायतको पनि अभिनय छ ।
प्रकाशित मिति: बिहीबार, मंसिर ८, २०७९ ०४:३०
प्रतिक्रिया दिनुहोस्
