काठमाडौं–आगामी भाद्र ३१ गतेबाट प्रदर्शनको तयारीमा रहेको फिल्म ‘बाबरी’को गीत ‘चुलबुल चुलबुल’ सार्वजनिक भएको छ । बिहिबार गीत केन्द्र मोशनको युट्युबबाट गीत रिलिज गरिएको हो । सार्वजनिक गीतमा अभिनेत्री अदिती बुढाथोकी र धिरज मगर फिचर्ड छन् । सुजन चापागाईको संगीत तथा रविन्द्र लामिछानेको शब्द रहेको गीतमा संगीतकार चापागाई र सुनिता थेगिमको स्वर छ । गीतमा विक्रम लामा र एञ्जिला खत्रीको कोरियोग्राफी छ । त्रिकोणात्मक प्रेमकथामा आधारित फिल्ममा सुरेन्द्र पौडेलको निर्देशन छ । फिल्ममा धिरज नाडकर, बादल भट्ट, कमणमणी नेपाल, उर्मिला बस्नेत, ध्रुव कोइराला, सुनिता श्रेष्ठ, नितेश गुरुङ, त्रिशला तामाङ, दीलिप गुरुङको पनि अभिनय छ । बाबरी फिल्मको प्रस्तुतीमा निर्माण भएको फिल्मको निर्माता गणेश बुढाथोकी र पुष्पालता बुढाथोकी हुन् । सुष्मा गुरुङ सह–निर्माता रहेको फिल्मको कथा निर्देशक पौडेलले नै लेखका हुन् । फिल्ममा काली प्रसाद बास्कोटा, सुजन चापागाई र अनमोल गरुङको संगीत र एञ्जिला खत्री र विक्रम लामाको कोरियोग्राफी रहेको छ । फिल्मको पटकथा तथा संवाद रित सिंह बोहोरा, सिजन दाहाल, मनोज त्रिपाठी र किशोर नेपालले मिलेर लेखेका हुन् । फिल्म काठमाडौं, झापा, मोरङ र उत्तरी सिक्किमका विभिन्न रमणीय स्थानमा छायांकन गरिएको हो । नरेन्द्र मैनालीको छायांकन रहेको फिल्मका मुख्य सहायक निर्देशक रित सिंह बोहरा हुन् । https://www.youtube.com/watch?v=djbTz_ZlQ_c