भक्तपुर — चाँगुनारायण नगरपालिका–५ पिखेलमा मिनी ट्रकको ठक्करबाट स्कुटर चालकको मृत्यु भएको छ ।
प्रहरीकाअनुसार बिहीबार साँझ भक्तपुर डेकोचाबाट चाँगुनारायणतर्फ जाँदै गरेको बा ५ ख ५४२३ नम्बरको मिनी ट्रकमा सोही दिशातर्फ जाँदै गरेको बा ६७ प ८४२२ नम्बरको स्कुटरले ओभरट्याक गर्ने क्रममा ठोक्किएर दुर्घटना भएको हो ।
दुर्घटनाबाट सख्त घाइते भक्तपुर नगरपालिका–१ सल्लाघारीका ३२ वर्षीय माधव बस्नेतको मृत्यु भएको जिल्ला प्रहरी परिसर भक्तपुरले जनाएको छ ।
दुर्घटनाबाट सख्त घाइते बस्नेतलाई भक्तपुर अस्पतालपछि शिक्षण अस्पताल महाराजगन्ज पुर्याइएको थियो । उनको उपचारकै क्रममा मृत्यु भएको प्रहरीले जनाएको छ । मिनी ट्रक चालक भक्तपुर नगरपालिका–८ लिवालीका ४३ वर्षीय सत्यराम कर्माचार्यलाई प्रहरीले नियन्त्रणमा लिई थप अनुसन्धान सुरु गरेको प्रहरी जनाएको छ ।
प्रकाशित मिति: शुक्रबार, मंसिर ९, २०७९ ०७:०५
प्रतिक्रिया दिनुहोस्
