लसएञ्जल्स–हलिउड अभिनेता ब्राड पिटले हालैमात्र आफ्नो अवकाश योजनालाई लिएर अभिव्यक्ति सार्वजनिक गरेका थिए । ब्राडको नाम विश्वकै सबैभन्दा लोकप्रिय अभिनेताको सूचीमा पर्दछ । तर यी अभिनेता भने अहिले एक गम्भीर रोगसँग जुधिरहेका छन् ।
यो कुराको खुलासा ब्राडले नै गरेका हुन् । जुन खुलासाले उनका फ्यान निरास भएका छन् । ब्राडका अनुसार उनी ‘फेस ब्लाइण्डनेस’ रोगबाट पीडित छन् । उनले यो रोगका कारण अन्य मानिसको अनुहार चिन्न छोडेको खुलाएका छन् । जसलाई प्रोसोपेग्नोसिया भनिन्छ ।
ब्राडले सन् २०१३ मा यो रोगका विषयमा जानकारी दिएका थिए । तर कसैले उनको यो कुरामा विश्वास गरेनन् । ‘मानिसहरु मैले उनीहरुलाई अनादर गरेको सम्झन्छन्, तर वास्तविकता त्यो होइन । म कसैको अनुहार चिन्दिनँ’, उनले भनेका छन् ।
उनले आफूले चाँडै नै यो विषयमा स्वास्थ्य परीक्षण गराउन लागेको जानकारी दिएका छन् । उनी हालका दिनमा घरमा नै बसिरहेका छन् ।
–एबीपीलाइभ
प्रकाशित मिति: बिहीबार, मंसिर ८, २०७९ ०४:२९
प्रतिक्रिया दिनुहोस्
