काठमाडौँ– नेपाल प्रहरीको प्रवक्ताको जिम्मेवारी प्रहरी नायव महानिरीक्षक (डीआईजी) टेक प्रसाद राईलाई दिइएको छ । यस अघिका प्रहरी प्रवक्ता रहेका प्रहरी वरिष्ठ उपरीक्षक (एसएसपी) विष्णुकुमार केसीको सरुवा भएपछि राईलाई जिम्मेवारी दिइएको हो । प्रहरी महानिरीक्षक धिरज प्रताप सिंहले बिहीबार डीआईजी राईलाई प्रहरी प्रवक्ताको जिम्मेवारी दिएका हुन् । गृह मन्त्रालयले बुधबार प्रहरी महानिरीक्षकको सचिवालयमा कार्यरत केसीलाई अपराध अनुसन्धान विद्यालयमा सरुवा गरेको थियो ।