काठमाडौं– आदिकवि भानुभक्त आचार्य प्रति समर्पित गीत ‘भानुभक्त’ सार्वजनिक गरिएको छ । गीतमा सन्चमान राईको शब्द, किरण गजमेरको स्वर र विश्वास गुरुङको संगीत रहेको छ । विं.सं. १८७१ असार २९ गते तनहुँमा जन्मिएका भानुभक्त आचार्य नेपाली साहित्यमा आदिकविका रुपमा परिचित छन् । आचार्यको वि.सं. १९२५ असोज ६ गते मृत्यु भएको थियो । उनै आदिकवि आचार्यको जीवनीका बारेमा सोधपत्र तयार गर्न काठमाडौंबाट तनहुँ पुगेका एक युवाले केके पाए भन्ने विषयमा भिडियो तयार गरिएको छ । गीतको भिडियोमा भने कमल सिंहले अभिनय गरेका छन् । उत्सव दाहालले खिचेको भिडियो प्रकाश दाहालले निर्देशन गरेका हुन् । भिडियो कोरियाग्राफ केशव राज भट्टको रहेको छ । भिडियोको एसोसियट डाइरेक्टरको रुपमा लोकराज अधिकारी रहेका छन् । लोकराजले भिडियोमा पनि अभिनय गरेका छन् । https://www.youtube.com/watch?v=jJ4Wp0ic5aI