काठमाडौं–नारायण रायमाझी निर्देशित फिल्म ‘परदेशी–२’को टिजर सार्वजनिक गरिएको छ । आगामी असोज १४ बाट रिलिज हुने फिल्मको टिजर शुक्रबार रीमा इन्टरटेन्मेन्ट युट्युबमार्फत सार्वजनिक गरिएको हो । साढे २ मिनेटको टिजरमा प्रकाश सपूत, दीलिप रायमाझी, प्रशान्त तामाङ, केकी अधिकारी, वर्षा शिवाकोटीलगायत फिचर्ड छन् । ‘परदेशी–२’ गायक प्रकाशको ‘डेब्यू’ फिल्म हो । सार्वजनिक टिजरमा नेपाली विद्यार्थीमा रहेको विदेश मोहलाई मुख्य कथावस्तु बनाईएको छ । अध्ययनसँगै अन्य परिवेशमा परदेश पुगेकाहरुको कथा–व्यथालाई समेत टिजरमा प्रस्तुत गरिएको छ । नारायण इन्टरनेशनलको प्रस्तुतीमा राजेश बंशल र नारायण रायमाझीले फिल्म निर्माण गरेका हुन् । नीर शाह, सुशील पोखरेल, सविन बास्तोला, रमा थपलिया, भीमा मैनाली, देवेन्द्र बब्लु, रोशनी कार्कीलगायतका कलाकारहरूको अभिनय रहेको फिल्ममा रमेश बिजीको कथा छ । बि.बि. अनुरागीको संगीत रहेको फिल्ममा रामजी लामिछाने र गोबिन्द राईको कोरियोग्राफी, सुदीप कुँवरको सह–निर्देशन, अष्ट महर्जनको द्वन्द्व, मानकृष्ण महर्जनको छायांकन, दीर्घ खड्काको सम्पादन तथा नकुल खड्का र मिराज अर्यालको सह–सम्पादन छ । https://www.youtube.com/watch?v=sIavUDgxvQQ