टोक्यो– जापानका पूर्वप्रधानमन्त्री सिन्जो आबेलाई शुक्रबार बिहान ११ः३० बजे देशको पश्चिमी भाग नारामा चुनावी सभालाई सम्बोधन गर्ने क्रममा पछाडिबाट गोली प्रहार भएको थियो । गोली प्रहार पछि उनलाई अस्पताल लगिएको छ । उनको पछिल्लो अवस्थाबारे अझै अज्ञात रहेको छ । गोली चलाउने ४१ वर्षीय आक्रमणकारीलाई प्रहरीले घटनास्थलबाटै पक्राउ गरेको छ । जापानको सरकारी समाचार संस्था एनएचकेका अनुसार आरोपी आक्रमणकारी शिन्जो आबेसँग असन्तुष्ट थिए र मार्ने उद्देश्यले गोली चलाएको थिए गोली लागेपछि शिन्जो आबेलाई हेलिकप्टरबाट नारा मेडिकल युनिभर्सिटी अस्पताल लगिएको छ । एनएचकेका अनुसार शिन्जो आबेको घाँटीमा चोट लागेको छ र छातीबाट रगत बगेको छ। जापानका प्रधानमन्त्री फुमियो किशिदाले ६७ वर्षीय आबेको अवस्था गम्भीर रहेको र उनको स्वास्थ्यलाभको लागि प्रार्थना गरिरहेको बताएका छन् । एनएचकेका अनुसार आक्रमणकारी ४१ वर्षीय तेत्सुया यामागामी रहेको बताइएको छ । अन्तरराष्ट्रिय समाचार संस्था रोयटर्सका अनुसार उनले प्रहरी समक्ष आफू आबेसँग असन्तुष्ट रहेको र उनलाई मार्न चाहेको बताएको उल्लेख गरेको छ । आक्रमणकारी खैरो रंगको टि–सर्ट र ट्राउजरमा थिए। रक्षा मन्त्रालय स्रोतलाई उद्धृत गर्दै एनएचकेले आरोपित व्यक्ति आत्मरक्षा बलका पूर्व सदस्य हुन् र हातले बनाएको बन्दुकले गोली हानेको उल्लेख गरेको छ । सन् २००५ सम्म ती व्यक्तिले सेल्फ डिफेन्स फोर्समा तीन वर्ष सेवा गरिसकेका थिए। शिन्जो आबेको सार्वजनिक सभामा नारामा बस्ने ५० वर्षीया महिला उपस्थित थिइन् । उनले एनएचकेलाई भनिन्, मैले आबेको भाषण सुनिरहेको थिएँ जब मैले हेलमेट लगाएका एक व्यक्तिलाई दुई पटक गोली हानेको देखेँ। दोस्रो गोली लागेपछि आबे लडेका थिए। ती व्यक्तिलाई तुरुन्तै पक्राउ गरियो। तुरुन्तै एम्बुलेन्स बोलाइयो र आबेलाई अस्पताल पठाइयो। आक्रमणकारी मेरो अगाडि उभिएको देखेर छक्क परें। उक्त सभामा सहभागी भएका आबेको डेमोक्रेटिक लिबरल पार्टीका अधिकारीहरूले पत्रकारलाई भने– ‘मानिसले १० मिटर टाढाबाट गोली हानेको थियो। कसैले पटाका फुकेको जस्तो देखिन्थ्यो। म अझै अचम्ममा छु कि यो मेरो आफ्नै हो। यति धेरै। मेरो अगाडि भयो। म पत्याउन सक्दिन। गोली हानेपछि पनि उनी शान्त थिए र भागेनन्।’ जापानी राष्ट्रपति फुमियो किशिदाले शुक्रबार आक्रमणकारीको बारेमा भने, ‘हामीसँग आक्रमणकारीको आपराधिक पृष्ठभूमिको बारेमा कुनै जानकारी छैन। प्रहरी अनुसन्धानपछि मात्र थाहा हुनेछ। हाम्रा लागि आक्रमणकारीको पृष्ठभूमि जानकारी धेरै महत्त्वपूर्ण छ।’ एजेन्सीकाे सहयाेगमा