काठमाडौं– भाषण गर्ने क्रममा गोली लागेर घाइते भएका जापानका पूर्व प्रधानमन्त्री सिन्जो आबेको निधन भएको छ । स्थानीय सञ्चारमाध्यमलाई उद्धृत गर्दै बीबीसीले जनाए अनुसार आबेको उपचारका क्रममा अस्पतालमा निधन भएको हो । उनलाई घरेलु हतियारबाट आक्रमण भएको बताइएको छ ।
आबेको जन्म सन् १९५४ मा राजनीतिक परिवारमा भएको थियो। उनका बुबा शिन्तारो आबे पनि नेता थिए । उनी जापानका विदेशमन्त्री भएका थिए ।
आबेका हजुरबुवा नोबुसुके किशी जापानका प्रधानमन्त्री थिए। सन् २००६ मा, आबे दोस्रो विश्वयुद्ध पछि जापानको सबैभन्दा कान्छो प्रधानमन्त्री बने।
यद्यपि, उनले सोही वर्ष राजीनामा दिए र २०१२ देखि २०२० सम्म जापानको फेरि प्रधानमन्त्री भए। स्वास्थ्य समस्याका कारण आबेले २०२० मा राजीनामा दिएका थिए । यद्यपि आबे अझै पनि आफ्नो पार्टीमा सबैभन्दा लोकप्रिय नेता हुन्।
६७ वर्षीय आबेलाई धेरै वर्षदेखि अल्सरेटिभ कोलाइटिस थियो तर हालै उनको अवस्था नाजुक भएको बताइएको छ।
आबेको कार्यकाल सेप्टेम्बर २०२१ मा समाप्त हुने थियो। आबेले जापानको सबैभन्दा लामो समय प्रधानमन्त्री हुने कीर्तिमान बनाएका छन् ।
सन् २००७ मा पनि अल्सरेटिभ कोलाइटिसका कारण उनले अचानक पदबाट राजीनामा दिएका थिए । यो ठूलो आन्द्राको गम्भीर रोग हो, जुन आबे किशोरावस्थादेखि नै लड्दै आएका छन्।
जापानमा हाई प्रोफाइल हत्या वा हत्या प्रयासको इतिहास छ। सन् १९३२ मा जापानी प्रधानमन्त्री इनुकाई सुयोशीको एक नौसेना अधिकारीले हत्या गरेका थिए ।
यो एउटा असफल विद्रोहको हिस्सा थियो। जापान विश्वमा धेरै देशहरु मध्ये एक हो जहाँ जहाँ बन्दुक राख्ने सम्बन्धमा निकै कडा कानुन छ।
प्रकाशित मिति: बिहीबार, मंसिर ८, २०७९ १३:२३
प्रतिक्रिया दिनुहोस्
