काठमाडौँ– अर्जेन्टिनी मिडफिल्डर एन्जल डी मारिया इटालियन क्लब युभेन्ट्समा अनुबन्धित भएका छन् ।
सिरी ए क्लब युभेन्ट्सले डी मारियालाई फ्री ट्रान्सफरमा अनुबन्ध गरेको हो । मिडफिल्डर डी मारियाले युभेन्ट्ससँग एक वर्षको सम्झौता गरेका छन् ।
युभेन्ट्समा डी मारियाले २२ नम्बरको जर्सी लगाउने छन् । ३४ वर्षीय डी मारियाले सिजनको अन्त्यसँगै फ्रेन्च क्लब पेरिस सेन्ट जर्मेन (पीएसजी) छाडेका थिए ।
डी मारिया सन् २०१५ मा म्यानचेस्टर युनाईटेडबाट पीएसजी आएका थिए । डी मारियाले सात सिजन क्लबमा बिताएर पीएसजी छाडेका हुन् ।
पीएसजीका लागि उनले २ सय ९४ खेलमा ९१ गोल गरेका छन् । यस्तै १ सय ११ असिस्ट गरेका छन् ।
पीएसजीका लागि उनले १८ उपाधि जितेका छन् ।
प्रकाशित मिति: बिहीबार, मंसिर ८, २०७९ ०८:५३
प्रतिक्रिया दिनुहोस्
