काठमाडौँ- आज (सोमबार) कारोबार शुरु भएको एक घण्टामै शेयर बजार परिसूचक ५० अंकभन्दा बढीले घटेको छ । कारोबार शुरू भएदेखि नै घट्न थालेको नेप्से परिसूचक १२ बजेसम्ममा ५१ अंकभन्दा धेरैले घटेको हो । यससँगै, नेप्से परिसूचक १ हजार ९४० अंकमा आइपुगेको छ । यस्तै, यो समाचार तयार पार्दा सम्ममा ५४ करोड ३७ लाख रुपैयाँ बराबरको कारोबार भएको छ । यस्तै, यस अवधिमा १३ लाख ७२ हजार कित्ता शेयर किनबेच भएको छ । यस अवधिमा नेप्सेमा कारोबार भएका १३ वटै समूहमा गिरावट आएको छ ।