काठमाडौं– बिएस बलामी निर्देशित फिल्म ‘प्रपञ्च’को गीत सार्वजनिक भएको छ । सोमबार राजधानीमा आयोजित एक कार्यक्रमका बीच फिल्मको पहिलो गीत ‘मुटुमा सास भर्ने आधार’ रिलिज गरिएको हो । गीतमा फिल्मका मुख्य कलाकार सुमन थापा र मेनुका माझीलाई फिचर्ड छन् । गीत डिएआर मुभिजबाट सार्वजनिक गरिएको हो । सन्तोष प्रगाढको संगीत तथा दिनेश सुवेदीको शब्द रचना रहेको गीतमा शंकरलाल श्रेष्ठ र ऋद्धा दियालीको स्वर छ । फिल्मको गीतमा तेञ्जु योन्जनको कोरियोग्राफी हेर्न सकिन्छ । आगामी असोज २१ गतेबाट प्रदर्शनमा फिल्म बद्री साह, अनिल गुीता र रवि राज आचार्यले निर्माण गरेका हुन् । फिल्मको कार्यकारी निर्मातामा शिवानी बलामी छिन् । फिल्ममा सिद्धार्थ सिंह, ध्रुव कोइराला, पियुस मगर, मनिल तामाङ, प्रकृति केसी, जोशना सिंखडा, सिजन तिवारी रुपशराज खड्का लगायतका कलाकारको पनि अभिनय रहेको छ । फिल्ममा प्रकाश कुँवरको कथा, दिवस गुरुङको डिओपी, देव मर्हजनको द्धन्द्व निर्देशन, प्रविन ढकालककोे सम्पादन रहेको छ । तर्कराज न्यौपाने मेख्य सहायक निर्देशक रहेको छ । फिल्मलाई आरआर फिल्मसले वितरण गर्दैछ । https://www.youtube.com/watch?v=3e4R2ETJNBU