काठमाडौँ– विश्वकप क्रिकेट लिग टू अन्तर्गतको त्रिकोणात्मक सिरिजमा नेपाल आज स्कटल्यान्डसँग खेल्दैछ ।
घरेलु टोलीसँग नेपालले पहिले फिल्डिङ गर्ने भएको छ । नेपालले टस जितेर पहिले फिल्डिङ गर्ने निर्णय गरेको हो । खेल नेपाली समय अनुसार दिउँसो ३:१५ बजे सुरु हुनेछ ।
नेपालले आजको खेलमा कुनै परिवर्तन गरेको छैन । नामिबियासँग खेलेको टिम नै मैदान उत्रने भएको छ ।
नेपाल स्कटल्यान्डलाई हराउँदै सिरिजमा पहिलो जित निकाल्न चाहन्छ । नेपाल पहिलो खेलमा नामिबियासँग ४० रनले पराजित भएको थियो भने स्कटल्याण्डले नामिबियालाई ७७ रनले हराएको थियो ।
लिग टू को अंक तालिकामा नेपाल १७ खेलमा १५ अंक जोडेर छैटौं स्थानमा रहेको छ । स्कटल्याण्ड २१ खेलमा ३० अंक जोडेर दोस्रो स्थानमा रहेको छ ।
प्रकाशित मिति: बिहीबार, मंसिर ८, २०७९ ०८:२३
प्रतिक्रिया दिनुहोस्
