काठमाडौँ– नायक प्रदिप खड्काको नयाँ लुक्सका कारण चर्चामा आएको चलचित्र 'प्रकाश'ले काठमाडौँ सहित छ वटा विभिन्न सहरमा स्ट्याण्ड–अप कमेडी टुर गर्ने भएको छ ।
उक्त कमेडी टुर चितवनको भरतपुरबाट सुरु हुने भएको हो । भरतपुरमा असार ३१ गते र ३२ गते उक्त कार्यक्रम आयोजना हुने भएको छ ।
यस्तै, बुटबलमा साउन ६ र ७ गते, पोखरामा १३ र १४ गते, विराटनगरमा २० र २१ गते, हेटौँडामा २७ र २८ गते हुने भएको छ । यस्तै, काठमाडौँमा भदौँ ३, ४ र ५ गते हुने निर्माण पक्षले जानकारी दिएको छ ।
उक्त टुरमा कमेडियन आदर्श मिश्रा, आयुश श्रेष्ठ, एलेन जंग राणा, आशिष घिमिरे र पुजन अधिकारी सहभागी हुनेछन् । त्यस्तै, काठमाडौँमा आयोजना हुने कार्यक्रममा अन्य कलाकार पनि सहभागी हुनेछन् ।
कार्यक्रम हरेक शहरमा दुई दिन हुनेछ भने दर्शकले एक दिन टिकट काटेर र अर्को दिन निःशुल्क हेर्न पाउनेछन् ।
कार्यक्रममा प्रदिप खड्कासँगै चलचित्रका अन्य कलाकार तथा प्राविधिकहरु सहभागी हुनेछन्। उक्त कार्यक्रम बटुवा कमेडी र कमेडी टुकटुकसंगको सहकार्यमा हुन लागेको हो । उक्त टुरको नाम भष्ट्रचार विरुद्धको टेबल मुनीबाट कमेडी टुर नाम राखिएको छ ।
दिनेश राउतको निर्देशन रहेको फिल्ममा प्रदिप खड्का, दिया मास्के, रेनु योगी, प्रकाश घिमिरे, निरज पन्थी, गोविन्द सुनुवार, रामबाबु रेग्मी, लोकेन्द्र लेखक, दिपेन्द्र शाहीलगायतका कलाकारको अभिनय रहेको छ ।
बिनिस इन्टरटेनमेण्टको ब्यानरमा निर्माण भएको फिल्ममा बिकास सुबेदीको लेखन, राजेश श्रेष्ठको छायाँकन, जीवन थापाको सम्पादन, सुवास भुषाल, दिपक शर्मा, तारा प्रकाश लिम्बु र एलिस कार्कीको संगीत, उत्तम न्यौपानेको साउण्ड डिजाइन र शैलेश श्रेष्ठको पाश्र्व संगीत रहेको छ । महेन्द्र अधिकारी निर्माता रहेको फिल्मलाई आरआर फिल्म्स, रोहित कट्टेल र रत्न श्रेष्ठले वितरण गर्दैछन् ।
चलचित्र यही भदौँ १० गतेबाट प्रदर्शनमा आउने भएको छ ।
प्रकाशित मिति: बिहीबार, मंसिर ८, २०७९ ०३:५०
प्रतिक्रिया दिनुहोस्
