काठमाडौं– गायक राजेशपायल राईले गायक, संगीतकार, गीतकार तथा कलाकार मुरलीधरको कालजयी गीत ‘तिमीलाई रोजे’लाई आफ्नो स्वरमा रेकर्ड गराएका छन् । रेडियो नेपालमा मुरलीधरको आवाजमा समेत लोकप्रिय उक्त गीतलाई गायक राईले ‘बैगुनी रैछौ मायालु’ एलबममा आफ्नो स्वरमा रेकर्ड गरी सार्वजनिक गरेका थिए ।
पहिलो नेपाल आईडलमा अतिथिको रुपमा आउँदा उनले उक्त गीत प्रस्तुत गर्दा तानेको लामो आलपले त्यसबेला निक्कै चर्चा पाएको थियो । बुधवार गुरुपुर्णिमाको अवसर पारी मुरलीधर र गायक राजेशबिच उक्त गीतलाई पुन नयाँ साजसज्जाका साथ पुन–रेकर्ड गरी चांडै रिलिज गरिने आपसी समझदारी भएको छ ।
राजेशपायलले मुरलीधरसँग नयाँ गीत संगीतको लागि समेत सहकार्य गर्ने भएका छन् । मुरलीधरले दुईबीचको सहकार्य श्रोताका लागि नयाँ उपहार सरह रहेको प्रतिक्रिया दिए ।
प्रकाशित मिति: शुक्रबार, मंसिर ९, २०७९ ०५:३५
प्रतिक्रिया दिनुहोस्
