Nic Ad Nic Ad
Nic Ad Nic Ad

साउदी अरेबियाले सबैका लागि एयर स्पेस खोल्यो

बिहीबार, मंसिर ८, २०७९

काठमाडौँ– साउदी अरेबियाले शुक्रबार सबै वायु वाहकहरूका लागि आफ्नो हवाई क्षेत्र खोल्ने निर्णय गरेको छ।

देशको नागरिक उड्डयन प्राधिकरणले ट्वीट गर्‍दै सो निर्णय सार्वजनिक गरेको हो । सन् १९४४ को शिकागो कन्भेन्सन अन्तर्गत आफ्नो दायित्वहरू पूरा गर्न सो निर्णय गरेको दाबी गरिएको छ ।

यो निर्णयले तीन महादेशलाई जोड्ने र अन्तरराष्ट्रिय हवाई कनेक्टिभिटी बढाउने विश्वव्यापी हबको रूपमा राज्यको स्थितिलाई सुदृढ बनाउने विश्वास गरिएको छ ।

यो निर्णय सार्वजिनक भएसँगै सोही दिन इजरायली कार्यवाहक प्रधानमन्त्री यायर लापिडले आफ्नो हवाई क्षेत्र खुला गर्ने साउदी अरेबियाको निर्णयको प्रशंसा गरेका छन्। "यो पहिलो चरण हो। हामी इजरायली अर्थतन्त्र, यसको सुरक्षा र इजरायलका नागरिकहरूका लागि उचित सावधानीका साथ काम गर्न जारी राख्नेछौं," ल्यापिडको कार्यालयबाट जारी गरेको विज्ञप्तिमा भनिएको छ।

प्रतिबन्धका कारण इजरायली एयरलाइन्सहरूले पहिले साउदी एयरस्पेसमा यात्रा गर्न पाउँदैनथे जसले एशिया लगायातका क्षेत्रहरूमा उडानहरू महँगो र लामो बनाएको थियो ।

साउदी अरेबियाले शुक्रबार अमेरिकी राष्ट्रपति जो बाइडेनलाई स्वागत गर्ने तयारी गरेको दिनमा यो घोषणा सार्वजनिक भएको हो ।

राष्ट्रपति बनेपछि बाइडेनको यहाँ र मध्यपूर्वको पहिलो भ्रमण हो। भ्रमणका क्रममा उनले साउदी अरेबियाका राजा सलमान बिन अब्दुलाजिज अल साउद र युवराज मोहम्मद बिन सलमान अल साउदसँग भेट गर्ने बताइएको छ। - (रासस-एएनआई / सिन्ह्वा)

प्रकाशित मिति: बिहीबार, मंसिर ८, २०७९  २०:३१
प्रतिक्रिया दिनुहोस्