काठमाडौँ– अस्ट्रेलियामा यस वर्ष हुने टी-२० विश्वकप प्रतियोगिताका सहभागी हुने सबै टिमको अन्तिम टुंगो लागेको छ ।
प्रतियोगिताका लागि भइरहेको क्वालिफायरमा शुक्रबार जिम्बाबे र नेदरल्याण्ड्स दुवै टिम आ-आफ्नो सेमिफाइनल प्रतिस्पर्धा जितेर विश्वकपको यात्रा पक्का गरेका छन् । योसँगै टी-२० विश्वकपमा सहभागी हुने सबै टिमको टुंगो लागेको छ ।
शुक्रबारको खेलमा जिम्बाबेले पपुवा न्युगिनीमाथि २७ रनको जित हात पारेको हो।
पहिला ब्याटिङ गरेको जिम्बाबेले निर्धारित २० ओभरमा ५ विकेट गुमाउँदै १९९ रन बनाएको थियो। जवाफी ब्याटिङमा उत्रिएको पीएनजीले निर्धारित ओभरमा ८ विकेट गुमाएर १७२ रन मात्र बनाउन सक्यो।
त्यस्तै अर्को खेलमा नेदरल्याण्ड्सले अमेरिकालाई ७ विकेटले हरायो।
अमेरिकाले जितको लागि दिएको १३९ रनको सहज लक्ष्य नेदरल्याण्ड्सले ३ विकेट गुमाउँदै ६ बल बाँकी छँदै पूरा गरेको हो।
विश्वकप टी-२० आगामी १६ अक्टुबरदेखि १३ नोभेम्बरसम्म सञ्चालन हुनेछ ।
प्रकाशित मिति: बिहीबार, मंसिर ८, २०७९ ०७:५३
प्रतिक्रिया दिनुहोस्
