काठमाडाैँ– श्रीलंकामा संकटकाल घोषणा गरिएको छ । श्रीलंकाका कार्यबाहक राष्ट्रपति रनिल विक्रमासिंघेले ले सोमबार संकटकालाको घोषणा गरेका अन्तराष्ट्रिय सञ्चारमाध्यमले जनाएका छन् । कार्यबाहक राष्ट्रपति विक्रमासिंघेले विशेष सूचनामार्फत् राष्ट्रिय सम्पत्तिको संरक्षण गर्न, नागरिकको जीवन रक्षा गर्न तथा यहाँका नागरिकका लागि अत्यावश्यकीय सेवाको आपूर्ति गर्न संकटकाल घोषणा गर्न आवश्यक रहेको बताएको खबरमा उल्लेख छ । श्रीलंकाली संसदले यही जुलाई २० मा नयाँ राष्ट्रपतिको निर्वाचन गर्दैछ । राष्ट्रपति गोटाबाया राजपाक्षे भागेर सिंगापुर पुगेका छन् ।