काठमाडौं–आगामी भदौ १० गतेबाट रिलिज हुने फिल्म ‘प्रकाश’को ट्रेलर सार्वजनिक भएको छ । राजधानीमा मंगलबार पत्रकारमाझ फिल्म युनिटले ट्रेलर सार्वजनिक गरेको हो । ट्रेलर फिल्मका प्रमुख पात्र प्रदीप खड्काको वरपर घुमेको छ । माओवादीले घरका बाबु लगेपछि उनको छोरा र श्रीमति दीया मास्केले भोग्ने दुःखलाई देखाइएको छ । जुम्लाको पृष्ठभूमिमा खिचिएको फिल्ममा प्रदीपले शिक्षक बन्ने संघर्षरत युवा र पढेपछि जागिर खान नचाहने चरित्रलाई ट्रेलरमा देखाइएको छ । दिनेश राउतको निर्देशन रहेको फिल्ममा प्रदीप, दीयाका अलावा रेणु योगी, प्रकाश घिमिरे, राजन खतिवडा, लोकेन्द्र लेखकलगायतका कलाकारको अभिनय छ । फिल्ममा महेन्द्र अधिकारीको लगानी छ । https://www.youtube.com/watch?v=GCaqNxKXwNw