काठमाडौँ– प्रि-सिजन टुर अन्तर्गत भएको मैत्रीपूर्ण खेलमा बार्सिलोनाले इन्टर मियामीको पोस्टमा गोलको वर्षा गर्दै फराकिलो जित निकालेको छ । अमेरिका भ्रमणमा रहेको बार्सिलोनाले बुधबार बिहान एमएलएस क्लब इन्टर मियामीलाई ६-० गोल अन्तरले हराएको हो । बार्सिलोनाको जितमा पिएरे एमकिर अबमेयाङ, राफिन्हा, अन्सु फाती, गाभी,मेम्फिस डिपे र ओसुमाने डेम्बेलेले एक एक गोल गरे । पहिलो हाफमा तीन गोल गरेको बार्सिलोना दोस्रो हाफमा समेत तीन गोल गरेको थियो ।