काठमाडौं—बक्सअफिसमा सफल नेपाली फिल्म ‘म यस्तो गीत गाउँछु २’को पहिलो विदेश शो अष्ट्रेलियाको न्यू क्यासलमा गरिएको छ । फिल्मकी निर्मात्री तथा अभिनेत्री पूजा शर्माको उपस्थितिमा सम्पन्न शोमा दर्शकको उल्लेख्य उपस्थिति थियो ।
सुदर्शन थापाको निर्माण तथा निर्देशन रहेको फिल्मको विदेश राइट्स नेपसिनेले किनेको छ । सोही अनुसार नेपसिनेले पहिलो विदेश शो अष्ट्रेलियाबाट गरेको हो । शोमा नेपसिनेका नेपाल प्रमुख विधान कार्की पनि उपस्थित थिए । उनले दर्शकको सहभागिताले आफूहरु खुशी भएको बताए ।
न्यू क्यासल शोको व्यवस्थापन कृष्णराज अर्यालले गरेका हुन् । फिल्मको अर्को शो जुलाई २२ मा सिड्नीको सिभिक थिएटर शोमा हुँदैछ । त्यसका लागि पूजा न्यू क्यासलबाट सिड्नी पुगिसकेकी छन् । फिल्ममा पल शाहको समेत अभिनय छ ।
प्रकाशित मिति: बिहीबार, मंसिर ८, २०७९ ०२:४०
प्रतिक्रिया दिनुहोस्
