काठमाडौँ । नेपाली राष्ट्रिय क्रिकेट टोलीका प्रशिक्षक पुबुदु दासानायकेले पदबाट राजीनामा दिएका छन् । आज (बुधबार) काठमाडौँमा पत्रकार सम्मेलन गरी उनले राजीनामाको घोषणा गरेका हुन् ।
नेपाल क्रिकेट संघ क्यानले भने उनले स्कटल्यान्ड भ्रमण शुरु हुनु अघि नै पदबाट राजिनामा दिएको र अहिले क्यानले त्यसलाई स्विकृत गरेको जनाएको छ । उनले ब्यक्तिगत कारण देखाउँदै राजिनामा दिएको पनि क्यानले जनाएको छ ।
विश्वकप क्रिकेट लिग टू अन्तर्गत स्कटल्यान्डमा भएको त्रिकोणात्मक सिरिज अन्तरगतका ४ खेलमध्ये नेपालले १ खेलमा मात्र जित हात पारेको थियो ।
दासानायके दोस्रो पटक गत मंसिरमा खुल्ला छनोटबाट नेपालको मुख्य प्रशिक्षक नियुक्त भएका थिए ।
एक सफल प्रशिक्षकका रुपमा रहेका दासानायके दोस्रो कार्यकालमा भने सफल हुन सकेनन् । पुबुदु यसअघि सन् २०११ देखि २०१५ सम्म नेपालकाे मुख्य प्रशिक्षक जतिबेला उनकै प्रशिक्षणमा नेपालले सन् २०१४ मा आईसीसी टी–ट्वेन्टी विश्वकप खेलेको थियो ।
प्रकाशित मिति: बिहीबार, मंसिर ८, २०७९ ०७:०३
प्रतिक्रिया दिनुहोस्
