मुम्बई–बलिउड अभिनेता शाहरुख खानका छोरा आर्यन लागुऔषध मामलामा पक्राउ परेपछि शाहरुख र उनको परिवार कानूनी झमेलामा परेको सर्वविदितै छ । यद्यपि हाल आर्यनले सबै किसिमका आरोपबाट सफाई पाए पनि हाई प्रोफाइलका सेलिब्रेटीले आफ्नो लो प्रोफाइल शैलीलाई कायमै राखेका छन् । क्लिन चिट पाएपछि आर्यन पनि सामाजिक जीवनमा फर्किन थालेका छन् । यसैको उदाहरण हाल सामाजिक सञ्जालमा भाइरल भइरहेको एक भिडियोले देखाएको छ । भिडियोमा आर्यनलाई एक नाइटक्लबको बारमा मदिरा पिइरहेको अवस्थामा देख्न सकिन्छ । भिडियो भाइरल भएपछि कतिपयले उनको गतिविधिको विरोध र कतिपयले समर्थन गरेका छन् । ‘के आर्यनले पार्टी गर्न पाउँदैनन् । आर्यन खानलाई पागलपनमा बन्द गर्नुहोस् किनकी ऊ शाहरुख खानको छोरा हो’, एक प्रयोगकर्ताले भनेका छन् । ‘के आर्यनलाई आफ्नो जीवनमा रमाउने अनुमति छैन ?’ अर्का प्रयोगकर्ताले भनेका छन् । –बलिउड ह्रंगामा