काठमाडौँ– नेपाली राष्ट्रिय क्रिकेट टिमको मुख्य प्रशिक्षकबाट राजीनामा दिएका पुबुदु दासानायके क्यानडा क्रिकेट टिमको मुख्य प्रशिक्षक बनेका छन् ।
नेपाल क्रिकेट संघ क्यानले उनको राजीनामा स्वीकृत भएको जानकारी दिएकै दिन क्यानडा क्रिकेट बोर्डले पुबुदु क्यानडाको मुख्य प्रशिक्षक नियुक्त भएको जानकारी गराएको हो । उनी श्रीलङ्काली मूलका क्यानडाली नागरिक हुन् ।
पुबुदु ८ महिना अघि २ वर्षका लागि नेपालको मुख्य प्रशिक्षक नियुक्त भएका थिए । उनले नेपाली टिमको स्कटल्यान्ड भ्रमण भन्दा अघि नै पदबाट राजीनामा दिएको र उक्त राजीनामा आज स्वीकृत गरिएको क्यानले जनाएको छ । उनले व्यक्तिगत कारण देखाउँदै पदबाट राजीनामा दिएका थिए ।
प्रकाशित मिति: बिहीबार, मंसिर ८, २०७९ २१:५१
प्रतिक्रिया दिनुहोस्
