मुम्बई— बलिउड अभिनेता रणवीर सिंह प्रायः अन्तरंगी फेसन सेन्सका कारण चर्चामा आइरहन्छन् । तर हालै उनले एक पत्रिकाका लागि न्यूड फोटोसुट गराएका छन् । जुन तस्वीर सामाजिक सञ्जालमा भाइरल भइरहेको छ ।
तस्वीरमा उनी टर्किश रगमा स्टाइलिश पोज दिइरहेका छन् । यो तस्वीरमा रणवीरको आत्मविश्वास प्रष्ट देखिन्छ । केही सामाजिक सञ्जाल प्रयोगकर्ताले उनको तस्वीर मनपराइरहँदा केहीले भने ट्रोल बनाइरहेका छन् । उनको न्यूड तस्वीरलाई लिएर बनाइएका मीम्स भाइरल भइरहेका छन् ।
‘बस गर भाई’, एक प्रयोगकर्ताले लेखेका छन् । अर्काले ‘मानिसहरु रणवीरलाई यतिबेला ए भाई के गरिरहेका छौ भनेर प्रश्न सोधिरहेका छन्’ भन्दै लेखेका छन् । अर्का प्रयोगकर्ताले रणवीर माकुराको जालोमा बेरिएको निकै कमेडी तस्वीर शेयर गरेका छन् । ‘साडीमा यहाँ ट्रोल गर्न कोही आएका थिएनन् । तर मलाई यो फोटो निकै हसाउने लाग्यो’, उनले लेखेका छन् ।
—बलिउडहंगामा
प्रकाशित मिति: बिहीबार, मंसिर ८, २०७९ १९:३३
प्रतिक्रिया दिनुहोस्
