काठमाडौं—आगामी साउन २० गतेबाट प्रदर्शन हुन लागेको फिल्म ‘म’को ट्रेलर सार्वजनिक भएको छ । सुवर्ण थापा निर्देशित फिल्मको ट्रेलर बिहीबार राजधानीमा एक कार्यक्रमबीच सार्वजनिक गरिएको हो । २ मिनेट १९ सेकेन्डको सस्पेन्स शैलीको ट्रेलरमा बिरामीको रुपमा अस्पताल छिरेको एक पात्रको अपराधिक घटनासँगको सम्बन्ध देखाइएको छ । कान्तिपुर फिल्म एकेडेमीले पहिलो पटक निर्माण गरेको फिल्ममा सरोज खनाल, निशा अधिकारी, रुविना थापा, निराजन प्रधान, सविन श्रेष्ठ, नरेन खड्का, सरिता लामिछाने, पुनम श्रेष्ठ, संजोग रसाइली लगायतको अभिनय छ । तेन्जिङ्ग पाल्देनको छायांकन र बनिश शाहको सम्पादन रहेको फिल्मको निर्मातामा बिमला हुमागाईं र पदम पुरी छन् । कान्तिपुर सिनेमाजको प्रोडक्सन र कान्तिपुर फिल्म एकेडेमीको प्रस्तुतिमा निर्माण भएको फिल्मको क्रियटिभ निर्माता प्रकाश पुरी हुन् । फिल्मको पटकथा तथा संवाद पनि उनकै हो । निर्देशक थापाले ‘म’ निर्देशन गरेर आफूले करियर दाउमा राखेको दाबी गरे । https://www.youtube.com/watch?v=WWP-7Q_L4BE