काठमाडौँ– आयरल्याण्डविरुद्धको तीन खेलका टी २० सिरिजमा न्युजिल्याण्डले क्लिनस्विप गरेको छ । बेलफास्टमा भएको तेस्रो टी २० खेलमा न्युजिल्याण्डले घरेलु टिमलाई ६ विकेटले पराजित गर्यो ।
पहिले ब्याटिङ गरेको आयरल्याण्डले २० ओभरमा ६ विकेट गुमाउँदै एक सय ७४ रन बनाएको थियो ।
उसका लागि पउल स्ट्रलिङले ४० रन बनाउँदा र्लोकन टुकेरले २८ तथा हेरी टेक्टोरले २३ रन बनाए । यस्तै मार्क एडेरले ३७ रनको योगदान गर्दा कुर्टिस चाम्फेरले १९ रनको योगदान गरे ।
बलिङमा न्युजिल्याण्डका ब्लायर टिकनेर र इस सोधीले दुई दुई विकेट लिए ।
जवाफमा न्युजिल्याण्डले १९ ओभरमा चार विकेट गुमाउँदै एक सय ८० रन बनायो ।
उसका लागि ग्लेन फिलिप्सले अविजित ५६ रन बनाउँदा मार्टिन गुप्टिलले २५ तथा डारेल मिचेलले ४८ रनको योगदान गरे । यस्तै जेम्स निसामले २३ रन बनाए ।
तीन खेलको सिरिजमा न्युजिल्याण्डले सहज रुपमा क्लिन स्विप गर्न सफल भयो ।
